Markaðssetning sjávarafurða og íslensks hugvits - Morgunverðarfundur 5. feb

5. febrúar 2015

Morgunverðarfundur 5. febrúar kl 8.30- Grand Hótel

Hvernig tókst Norðmönnum að byggja upp sterkt alþjóðlegt vörumerki á sviði fiskeldis og ferðaþjónustu og hvernig má fá svona góð verð fyrir norskan lax? Þessum spurningum og fleiri ætlar norski markaðsmaðurinn Arne Hjeltnes að reyna að svara á morgunverðarfundi Norsk-íslenska viðskiptaráðsins og Samtaka fyrirtækja í sjávarútvegi (SFS) þann 5. febrúar á Grand hótel. 

Arne er fjölhæfur og þekktur athafna-, kaupsýslu- og fjölmiðlamaður. Hann hefur víðtæka reynslu af sölu og markaðsmálum, hefur unnið við markaðssetningu norskra sjávarafurða og hefur því meðal annars verið haldið fram að hann hafi kennt Japönum að nota norskan lax í sushi en hefur einnig reynslu af markaðssetningu Noregs í Bandaríkjunum.

Hann er eftirsóttur fyrirlesari og hefur skrifað fjölda bóka og stýrt Creuna, 340 manna fyrirtæki á sviði stafrænnar markaðssetningar, frá árinu 2008 og situr í stjórnum fjölmargra fyrirtækja. Þekktastur er hann þó sennilega fyrir að stýra sjónvarpsþættinum Gutta på tur (Félagar á ferðalagi) ásamt Bjørn Dæhlie, einum sigursælasta íþróttamanni sögunnar, Vegard Ulvang, heims- og ólympíumeistara í skíðagöngu og Arne Brimi sem er einn þekktasti matreiðslumaður Norðmanna á síðari árum. Arne Hjeltnes hefur einnig látið til sín taka í stjórnmálum og var nefndur sem ráðherraefni Hægriflokksins árið 2013.

Auk Arne munu munu tala og taka þátt í umræðum:

Kristján Davíðsson , í stjórn Landsbankans og OlivitaAS í Tromsø

Aðalheiður Pálmadóttir  Controlant- hefur byggt upp fyrirtæki  í Noregi sem sérhæfir sig þráðlausum netlausnum

Steinunn K Þórðardóttir, Akton AS, sem fer yfir hræringar á norskum mörkuðum síðastliðna mánuði

Brynjólfur Eyjólfsson, markaðsstjóri HB Granda, ræðir um markaðsstarf fyrirtækisins.  

Fundarstjóri: Ólafur William Hand, upplýsingafulltrúi Eimskips

Staður: Grand Hótel Reykjavik
Stund: K.l 8.30-10.00 Morgunverður hefst 8.15
Verð: 3000 kr

Reikningar verða sendir út eftir fundinn

Skráning hér 

Viðburðir