Menntanet sjávarútvegsins

Aðgengi og yfirlit yfir vandað efni um sjávarútveg
1. apríl 2016

Menntastefna Samtaka fyrirtækja í sjávarútvegi var kynnt á ársráðstefnu samtakanna. Einn burðarstólpa þeirra stefnu er vefur sem fengið hefur nafnið Menntanet sjávarútvegsins og finna má á vefsíðunni menntanet.is. 

Menntanetið er vefsvæði sem gefur yfirlit yfir aðgengilegt fræðslu- og kynningarefni, námsleiðir og gagnlegar vefsíður innan sjávarútvegsins. Samtök fyrirtækja í sjávarútvegi sjá um hýsingu og viðhald síðunnar en samráðsvettvangur Menntanetsins, sem skipuð er fulltrúum menntastofnanna og atvinnulífsins, velja inn efni og greina þörf fyrir vinnslu á nýju efni. Ætlunin er að fulltrúar samráðsvettvangsins hittist tvisvar á ári, eða á hverri skólaönn. 

Markmið Menntanetsins er að auðvelda námsmönnum, kennurum, fræðimönnum og þeim sem starfa í sjávarútvegi að nálgast vandað efni sem tengist greininni. Menntanetið er einnig vettvangur fyrir útgefendur efnis að koma því á framfæri til síns notendahóps með einföldum hætti. Þá er það einnig hugsa til þess að miðla efni sem unnið er fyrir styrki úr Rannsóknarsjóði síldarútvegsins og úthlutað er árlega. 

Menntanetið gefur notendum kost á að leita að efni eftir ákveðnum skilyrðum, svo sem menntunarstigi, efnisflokkum eða efnisorðum. Auk þess að geta nálgast útgefið efni má finna ýmsan áhugaverðan fróðleik um íslenskan sjávarútveg á vefnum.

Það voru þau Heiðrún Ingrid Hlíðberg og Egill Sigurðarson sem söfnuðu og unnu síðuna undir leiðsögn Karenar Kjartansdóttur, samskiptastjóra SFS, fyrir styrk sem úthlutað var af Félagi síldarútgerða. Karen þakkar þeim innilega fyrir vandaða vinnu og vonast hún til þess að í framtíðinni verði vefsíðan verði öflugt verkfæri til að miðla þekkingu um þessa mikilvægu atvinnugrein og náttúrauðlind í framtíðinni.

Þá má nefna að á ársráðstefnunni verður styrk úthlutað úr Rannsóknarsjóðinum til fimm aðila. Við hvetjum fólk eindregið til að kynna sér fyrri verkefni sem meðal annars má finna á vefsíðunni menntanet.is


Menntanetið er vefsvæði sem gefur yfirlit yfir aðgengilegt fræðslu- og kynningarefni, námsleiðir og gagnlegar vefsíður innan sjávarútvegsins. Samtök fyrirtækja í sjávarútvegi sjá um hýsingu og viðhald síðunnar en samráðsvettvangur Menntanetsins, sem skipuð er fulltrúum menntastofnanna og atvinnulífsins, velja inn efni og greina þörf fyrir vinnslu á nýju efni.

Viðburðir