Menntaverðlaun atvinnulífsins 2015 – óskað eftir tilnefningum

5. janúar 2015

Menntaverðlaun atvinnulífsins verða afhent á Hilton Reykjavík Nordica fimmtudaginn 19. febrúar. Óskað er eftir tilnefningum um fyrirtæki sem hafa staðið sig vel á sviði fræðslu- og menntamála fyrir 19. janúar.

Menntafyrirtæki og menntasproti ársins 2015 verða útnefnd en fyrirtæki sem tilnefnd eru verða að uppfylla ákveðin viðmið en dómnefnd mun meðal annars skoða eftirfarandi þætti:

Helstu viðmið fyrir menntafyrirtæki ársins eru m.a.:

  • að skipulögð fræðsla sé innan fyrirtækisins
  • stuðlað sé að menntun og fræðslu umfram það sem ætlast er til í lögum og reglugerðum
  • Virk þátttaka starfsmanna
  • Hvatning til frekara náms
  • Hefur haft jákvæð áhrif á starfsemi, ímynd og framlegð fyrirtækisins

Helstu viðmið vegna menntasprota ársins eru m.a.:

  • að lögð sé stund á nýsköpun í menntun, -innan fyrirtækis eða í samstarfi fyrirtækja
  • að menntastig sé hækkað
  • að samstarf fyrirtækja og samfélags sé til staðar um eflingu fræðslu, innan sem utan fyrirtækja


Tilnefningar sendist í tölvupósti á info@sjavarutvegurinn.is fyrir 19. janúar.

Verðlaunin verða veitt á Menntadegi atvinnulífsins en þetta er í annað sinn sem dagurinn er haldinn. Menntun og fræðsla sem nýtist öllu atvinnulífinu verður þar í kastljósinu Menntadagur atvinnulífsins er samstarfsverkefni SAF, SFF, SFS, Samorku, SI, SVÞ og SA.

Dagskrá menntadagsins verður auglýst þegar nær dregur.

 

Viðburðir