Miklar breytingar í vændum fyrir hagkerfi heimsins

Sérfræðingur um vísindi segir aðkallandi að Ísland marki sér stöðu
23. maí 2017

Þegar kemurumfangsmiklum breytingum af völdum tækni hættir fólki til að draga upp of dökka eða of jákvæða mynd af mætti tæknibreytinga. Það er engin vafi á því að sú tæknibreyting sem framundan verður alveg gríðarlega umfangsmikil fyrir Ísland sem og hagkerfi heimsins en það er verkefni stjórnmálamanna, atvinnulífs og opinberra stofnanna að átta sig á áskorunum og ógnunum. Fjölmörg sóknarfæri felast í þeirri tæknibyltingu sem nú er að eiga sér stað í íslenskum sjávarútveg ef rétt er á málum haldið.

Þetta var meðal þess sem kom fram í ræðu Hugins Freys Þorsteinssonar, ráðgjafa hjá Aton og doktor í vísindaheimspeki á fjölsóttum morgunfundi í Marshall-húsinu sem bara yfirskriftina Tækniframfarir í sjávarútvegi - áskoranir og tækifæri. Tilefni fundarins var útgáfa nýrrar skýrslu sem SFS fékk Aton til að vinna þar sem litið er til samfélagslegra breytinga vegna aukinnar sjálfvirkni og tæknivæðingu í sjávarútvegi. 

Skýrsluna má finna hér. SFS_Skyrsla_Hagræn_Ahrif_juni.pdf

Á fundinum var meðal annars varpað fram spurningum á borð við: Hvernig er íslenskt menntakerfi og vinnumarkaður undirbúið fyrir umbyltingar í tækni og sjálfvirkni og hvernig getur íslenskt samfélag skapað sér samkeppnisforskot í þessari þróun? Þeir sem tóku til máls voru

  • Þórdís Kolbrún R. Gylfadóttir, iðnaðar- og nýsköpunarráðherra
  • Dr. Huginn Freyr Þorsteinsson, ráðgjafi hjá Aton
  • Ingólfur Árnason, framkvæmdastjóri tæknifyrirtækisins Skaginn3X
  • Heiðrún Lind Marteinsdóttir, framkvæmdastjóri SFS

Fundarstjóri var Tryggvi Másson, einn stofnenda UFSI, félags ungs áhugafólks um sjávarútveg og sjávarútvegsmál á Íslandi.

Segir Huginn að íslenskur sjávarútvegur standi framarlega þegar kemur að því að þróa hátæknilausnir sem nýtast í sjávarútvegi og í sumum tilfellum er hægt að yfirfæra á önnur sviði. „Þekkingin sem hefur byggst upp í þessum efnum þýðir að Íslendingar verða gerendur í þessari tæknibyltingu í stað þess að þiggja lausnir frá öðrum eins og vafalaust verður á mörgum öðrum sviðum atvinnulífsins. Sé rétt á málum haldið eru því frekari forsendur til vaxtar fyrir íslenskan sjávarútveg en með breyttu sniði frá því sem við höfum áður séð.

Störfum mun fjölga í hátækniiðnaði við þróun lausna og aukin útflutningsverðmæti verða til sölu á þeim lausnum. Tryggja þarf að fólk í vinnslu sjávarafurða geti sérhæft sig í að nýta tæknina í sinni vinnu. Þetta mun einnig þýða betri nýting afurða, enn meiri vöruþróun og frekari virðisauka. Þá felast tæki- færi með nýrri í að gera sjávarút- veginn enn umhverfisvænni með minni losun gróðurhúsaloftegunda.“

Í erindi Heiðrúnar kom fram að áhersla á aukna framleiðni væri mikil. Það mætti meðal annars sjá í fjármálaáætlun stjórnvalda 2017-2021.

"Aukin framleiðni er grundvöllur aukins kaup-máttar og velferðar í þjóðfélaginu, en þumal-fingursregla er að kaupmáttur geti vaxið árlega sem nemur vexti framleiðni. Því verður ekki horft framhjá mikilvægi framleiðnivaxtar fyrir aukna velmegun.“

Í því samhengi mætti íslenskur sjávarútvegur ekki vera áhorfandi og missa af næstu tæknibyltingu. Íslensk tæknifyrirtæki sem þjónusta sjávarútveginn eru forsenda þess að ná frekari framleiðniaukningu og halda áfram að byggja ofan á þann góða árangur sem náðst hefur í greininni, sem var m.a. staðfest af Mckinsey. Í skýrslu Mckinsey sem íslensk stjórnvöld létu gera árið 2012 kemur fram að íslenskur sjávarútvegur er gott dæmi um góða framleiðni þar sem ávöxtun á fjármagn og vinnuafl er góð.  

Erindi Heiðrúnar má finna hér:

Næsta bylting í sjávarútvegi.pdf

Viðburðir