Óskað eftir tilnefningum til Hvatningarverðlauna sjávarútvegsins 2016

19. febrúar 2016

Við hjá Samtökum fyrirtækja í sjávarútvegi hvetjum fólk til að senda inn tilnefningar um fólk og félagasamtök sem eiga skilið hvatningu og virðingarvott fyrir verk sín. Við viljum fá að heyra sögur af fólki sem gerir íslenskan sjávarútveg betri, nútímalegri, skemmtilegri eða öruggari og þar með verðmætari fyrir íslenskt samfélag.

Við hjá Samtökum fyrirtækja í sjávarútvegi hvetjum fólk til að senda inn tilnefningar um fólk og félagasamtök sem eiga skilið hvatningu og virðingarvott fyrir verk sín. Við viljum fá að heyra sögur af fólki sem gerir íslenskan sjávarútveg betri, nútímalegri, skemmtilegri eða öruggari og þar með verðmætari fyrir íslenskt samfélag.

Til greina koma allir sem hafa lagt sitt af mörkum til að bæta og efla íslenskan sjávarútveg með einum eða öðrum hætti.

Við hvetjum fólk því til að að deila sögum um vel unnin störf í þágu sjávarútvegs og sjávarplássa hvar sem er á landinu og hvar sem er í virðiskeðjunni. Við hvetjum þig til að senda okkur tillögu með tilnefningu til Samtaka fyrirtækja í sjávarútvegi fyrir 10. mars á netfang Karenar Kjartansdóttur upplýsingafulltrúa samtakanna en netfangið hennar er karen@sfs.is. Merkja skal póstinn „Hvatingarverðlaun“

Þær upplýsingar sem þurfa að koma fram í póstinum eru:

Nafn á samtökum eða einstaklingi sem þú telur eiga skilið Hvatingarverðlaun Samtaka fyrirtækja í sjávarútvegi.

Um 200-500 orða útskýring af hverju þú kýst að tilnefna þessi samtök eða þennan einstakling til Hvatningarverðlauna fyrirtækja í sjávarútvegi.

Á stofnfundi samtakanna í október 2014 hlaut vísindamaðurinn Hrönn Egilsdóttir viðurkenninguna fyrir brauðryðjandi rannsóknir sínar á súrnun sjávar við strendur Íslands. Lesa má frétt um þau verðlaun hér. Í fyrra hlaut svokölluð Heimkomuhátíð á Vestfjörðum verðlaunin en viðburðurinn er hluti af glæsilegri dagskrá Aldrei fór ég suður. „Á Heimkomuhátíðinni var tónlistarviðburðurinn notaður til að kynna atvinnutækifæri í heimabyggð. Þetta var mjög gott framtak og sýndi að mörg áhugaverð störf eru í boði hjá spennandi fyrirtækjum sem eru að byggja upp alþjóðlega starfsemi í heimabyggð. Okkur þótti þetta ekki síst skemmtilegt framtak því einhverjar öflugustu og framsæknustu útflutningsgreinar okkar Íslendinga eru einmitt listir, ekki síst tónlist, og sjávarútvegur,“ segir Karen Kjartansdóttir kynningafulltrúi sem afhenti verðlaunin á föstudaginn síðastliðinn. 

Hér að neðan má sjá myndband þegar verðlaunin voru afhent. 


Birna Jónasdóttir rokkstjóri og Þórdís Sif Sigurðardóttir bæjarritari Ísafjarðarbæjar tóku við verðlaunum sem Karen Kjartansdóttir upplýsingafulltrúi SFS og Jens Garðar Helgason formaður samtakanna afhentu. Verðlaunin eru húllahringur úr vörulínu SIPP OG HOJ sem vann Hönnunarverðlaun Íslands á síðasta ári. Vörurnar eru hannaðar í netagerðinni Egersund á Eskifirði.

Viðburðir