Förum æðri leiðina!

Öflugur mannauður, stöðugt rekstrarumhverfi og sterkir innviðir skapa öfluga þekkingarkjarna
28. maí 2017

Kristrún Mjöll Frostadóttir hagfræðingur Viðskiptaráðs Íslands fór yfir hvaða aðstæður þurfa að vera til staðar til að geta skapað öfluga þekkingarkjarna. 

Kristrún vakti athygli á þremur mikilvægum þáttum til að byggja upp öflugt samfélag. Í fyrsta lagi þarf að vera til staðar öflugur mannauður. Hægt er að fara tvær leiðir í þeim efnum, annað hvort að byggja upp mannauðinn eða laða hann til sín.  Í öðru lagi þarf að skapa fyrirtækjum stöðugt rekstrarumhverfi. Nefndi hún í því samhengi Írland, sem hefur verið þekkt fyrir lága fyrirtækjaskatta, en það var ekki fyrr en Írland fór að setja meira kraft í menntun og hlúa að mannauðnum að alþjóðleg fyrirtæki fóru að sjá sér hag í því að vera með starfsemi þarlendis.  Þá vakti hún athygli a hættunni a að missa innlend fyrirtæki úr landi ef rétta rekstrarumhverfið er ekki til staðar eða ef keppt er á of stórum mörkuðum á alþjóðavísu. Í þriðja lagi þarf að skapa gott umhverfi til að laða mannauðinn í þekkingarkjarnana þannig að fyrirtækin geti nýtt sér mannauðinn. Grunnþjónusta þarf að vera til staðar svo sem öflugir skólar og heilbrigðisþjónusta. Ekki er því nóg að aðeins einn þáttur sé í lagi heldur verður að hlúa að öllum þáttunum til þess að skapa sjálfbært samfélag.

Erindi Kristrúnar má nálgast hér: Stóra myndin_Uppbygging þekkingarsamfélags.pdf

Viðburðir