Vodafone sækir á miðin

25. júní 2015

Vodafone ætlar að leggja kapp á að byggja upp háhraða 4G samband á öllum helstu fiskimiðum landsins í ár. Í tilkynningu frá fyrirtækinu segir að markmiðið sé að bæta þjónustu við sjávarútvegsfyrirtæki og aðra sjófarendur. Notkun 4G tækninnar bæti samband á miðunum og sé hagkvæmari lausn en áður hafi verið hægt að bjóða upp á. 
Uppbygging 4G dreifisvæðis Vodafone á haf út er þegar hafin og nær 4G svæði félagsins þegar út á hafsvæði frá Reykjanesi og austur fyrir Vík í Mýrdal. Á árinu verður sérstök áhersla einnig lögð á hafflötinn út af Norð-Austurlandi, Austurlandi og Norð-Vesturlandi.
Uppbyggingin er unnin í samstarfi við viðskiptavini Vodafone í sjávarútvegi þar sem þarfir útgerða og sjómanna eru hafðar að leiðarljósi. Segir í tilkynningu frá Vodafone að þetta hafi þegar skilað sér í nýjum viðskiptavinum úr sjávarútvegi eins og Samherja og Vinnslustöðinni, Bergi og Auðbjörgu.
Á meðal svæða þar sem langdrægir 4G sendar hafa verið gangsettir að undanförnu sem hafa það sérstaka hlutverk að bæta háhraðasamband út á hafi má nefna Háfell við Vík og Þorbjarnarfell við Grindavík. Áður hefur langdrægur sendir verið virkjaður í Bláfjöllum en sá dreifir 4G sambandi suður af landi yfir miðin á milli Þorlákshafnar og Vestmannaeyja. Auk þess hefur langdrægur 4G sendir á Bolafjalli einnig dreift háhraðasambandi yfir miðin vestur af Bolungarvík og út á Djúp frá því í vetur.

„Uppbygging 4G háhraðasambands út á miðin er hluti af þeirri stefnu okkar hjá Vodafone að veita íslenskum sjávarútvegi afburðarþjónustu. Þessari áherslu okkar hefur verið sérlega vel tekið jafnt af fyrirtækjum og einstaklingum í sjávarútvegi til þessa og framundan er að klára uppbyggingu 4G á öllum helstu miðunum í kringum landið á árinu,“ segir Stefán Sigurðsson, forstjóri Vodafone.


2
ÍTAREFNI:
Allt frá því uppbygging 4G þjónustusvæðis félagsins hófst fyrir tveimur árum hefur Vodafone lagt ríka áherslu á að byggja upp hámarks dreifingu jafnt á landsbyggðinni sem og á höfuðborgarsvæðinu. Vodafone er leiðandi á Íslandi í notkun hins langdræga 4G tíðnibands á 800MHz sem gefur viðskiptavinum félagsins framúrskarandi upplifun í notkun á gagnaflutningi í farsímakerfunum.
Meðfylgjandi:
Mynd yfir áætlaða útbreiðslu farsímakerfis Vodafone í lok árs 2015. Háhraða 4G samband er þegar komið á yfir miðin út frá Bolafjalli, sunnanverðu Reykjanesi og að Vík. Framundan er gangsetning 4G úti fyrir Austurlandi og norður fyrir.


Á meðal svæða þar sem langdrægir 4G sendar hafa verið gangsettir að undanförnu sem hafa það sérstaka hlutverk að bæta háhraðasamband út á hafi má nefna Háfell við Vík og Þorbjarnarfell við Grindavík. Áður hefur langdrægur sendir verið virkjaður í Bláfjöllum en sá dreifir 4G sambandi suður af landi yfir miðin á milli Þorlákshafnar og Vestmannaeyja. Auk þess hefur langdrægur 4G sendir á Bolafjalli einnig dreift háhraðasambandi yfir miðin vestur af Bolungarvík og út á Djúp frá því í vetur.

Viðburðir