Við leitum að kraftmiklum og framsæknum einstaklingi

1. október 2017

Sérfræðingur í markaðsmálum

Samtök fyrirtækja í sjávarútvegi (SFS) leita að kraftmiklum einstaklingi til að bera ábyrgð á erlendu markaðsstarfi og utanríkisviðskiptum með íslenskar sjávarafurðir. Hollur og góður íslenskur fiskur er seldur um allan heim og fjöldamörg tækifæri eru til staðar til að efla enn frekar þessi viðskipti. Samkeppnishæfni íslensks sjávarútvegs liggur í heilnæmu umhverfi, ábyrgu fiskveiðistjórnunarkerfi, áratuga þrautseigju og reynslu íslenskrar þjóðar og drifkrafti öflugra íslenskra fyrirtækja.

Helstu verkefni:

Ábyrgð á þróun og rekstri sameiginlegrar erlendrar markaðssetningar íslenskra sjávarafurða

Greining á mörkuðum, útflutningi íslenskra sjávarafurða og viðskiptatækifærum

Ýmis málefni tengd ímynd íslensks sjávarútvegs

Samstarf við hagsmunaaðila í sjávarútvegi, þjónustuaðila og stjórnsýslu

Menntun og hæfni:

Háskólamenntun í markaðsfræðum eða önnur háskólamenntun sem nýtist í starfi

Reynsla af markaðsstörfum á erlendum mörkuðum er æskileg

Mjög góð þekking á stafrænni markaðssetningu og samfélagsmiðlum

Hæfni til að greina, setja fram og miðla upplýsingum á skýran hátt

Frumkvæði og sjálfstæð vinnubrögð

Mjög góð samskipta- og samvinnufærni

Góð tölvukunnátta

Góð íslensku- og enskukunnátta

 

Umsóknir skulu berast á https://attentus.umsokn.is/ ásamt ferilskrá og kynningarbréfi með rökstuðningi fyrir hæfni í starfið. Umsóknarfrestur er til og með 30. október nk. Farið verður með allar fyrirspurnir og umsóknir sem trúnaðarmál.
Nánari upplýsingar veitir Heiðrún Lind Marteinsdóttir, framkvæmdastjóri SFS, í síma 591-0300.

Frekari upplýsingar um starfsemi SFS má nálgast á www.sfs.is