Íslen­skum hagsmunum fór­nað í makríl­samnin­gi

Utanríkisráðherra tilkynnti í dag að hún hefði undirritað samning við Bretland, Noreg og Færeyjar um skiptingu hlutdeildar á milli ríkjanna fjögurra í makríl. Samkomulagið gildir til ársloka 2028. Ekki er um heildstæðan samning strandríkja í makríl að ræða því utan samnings standa Grænland og Evrópusambandið.   Samtök fyrirtækja í sjávarútvegi árétta afstöðu sína um mikilvægi þess að ná heildstæðum og sanngjörnum samningi á milli allra strandríkja. Svo er ekki í þessu tilviki. Samtökin lýsa yfir miklum vonbrigðum með ákvörðun ráðherra og telja verulega hagsmuni Íslands og áralanga baráttu fyrir sanngjörnum strandríkjahlut landsins að litlu höfð.